АҚШ халқы қаскөйлер қолынан қаза тапқан полицейді еске алып жатыр

Жантүршілергік оқиға өткен жұмада болды. 47 жастағы Даррен Гофортқа жанармай бекетінде шабуыл жасалып, полицей оқиға орнында көз жұмған. Қаруланған қаскөй тәртіп сақшысына бірнеше мәрте оқ атыпты. Тергеушілер мұны қара нәсілділерді өлтірген полицейлерге деген өшпенділікпен байланыстырып отыр. Ал ондай оқиғалардың ең атышулысы бір жыл бұрын Фергюсон қаласында болған. Ол кезде ақ нәсілді тәртіп сақшысының 18 жастағы жігітті атып өлтіруі қара нәсілділердің ашу-ызасын келтіріп, үлкен наразылық туған болатын.