Ақтау теңіз айлағында танкерге өнім тиеген кезде теңізге мұнай төгілді

Ақтау теңіз айлағында "Гусейнов" атты танкерге өнім тиеп жатқан кезде 2-қыркүйек күні кешкісін теңізге мұнай төгілді,- деп хабарлайды KZ-today тілшісі ҚР төтенше жағдайлар жөніндегі Агенттігіне сілтеме жасай отырып. Төгілген мұнай дағының аумағы 50 шаршы метрді құрады. Айлақтың апаттық тобы дақтың одан әрі таралуына тосқауыл қойып қоршау тұрғызып , судың бетіндегі мұнайды жинап алуға қадамдар жасады.