Бұдан бұрын да хабарлағанымыздай, 30-маусымда Ақтөбе облысы Мұғалжар ауданы Көксу ауылының бір тұрғыны күйдіргінің терілік түрі деген диагнозбен ауруханаға жатқызылған. Ол 19-маусымда сиыр сою барысында қолын жарақаттап алғаннан кейін ауруға шалдыққан.
Ауру ошағында жұқпалы аурудың таралуына қарсы шаралар қолдану үшін Мемлекеттік эпидемиологиялық қадағалау мекемесінің облыстық басқармасының мамандар тобы келіп жетті.
1-шілде күнгі жағдаймен ауыл-үйлерді аралау барысында ауру белгілері бар тағы алты адам анықталды. Олардың барлығы да Ембі қаласындағы Мұғалжар аудандық ауруханасына жатқызылды. Сондай-ақ, науқас адаммен қарым-қатынаста болған 78 адам анықталды. Олардың 66-сы Ембіде, 12-сі Көксу ауылында. Бұл жерлерде жұқпалы аурудың таралып кетуіне қарсы шаралар қолданылуда.
- $ 507.07
- € 572.53
Алматы
- РУС
- ҚАЗ
2025 Жыл
23 Мамыр
