Жарияланды: 600

Ақтөбеде мұнай өнімдерін жасырын өндіретін шағын зауыт табылды

Ақтөбеде мұнай өнімдерін жасырын өндіретін шағын зауыт табылды,- деп хабарлайды KZ-today тілшісі. Мұғалжар ауданында ораласқан зауытты 30-шілдеде Ақтөбе облыстық ІІБ-ның қызметкерлері әшкереледі.

Облыстық ІІБ баспасөз қызметінің бастығы Әскер Өтениязовтың хабарлауынша, жасырын мұнай өңдеу зауыты Қарашоқы маңындағы Жұрын елді мекенінен табылған. Зауытта тәулігіне 1,5 мың тонна жанар-жағармай өндіріліп келсе керек. Шикізат Жаңажол және Кеңқияқ кеніштерінен әкелініп отырған. Тексеру кезінде жасырын зауытта жергілікті үш адам жұмыс істеп жүрген, олардың арасында кәмелеттік жасқа жетпеген бір жасөспірім де бар. Оларға 10 мың теңге жалақы төлеу жөнінде уәде беріліпті. Осы дерекке байланысты тергеу жұмыстары басталды. Сондай-ақ, жасырын жолмен өнім өндіру салдарынан жергілікті бюджетке келген шығын көлемі мен сапасыз мұнай өнімдері сатылған мекемелер айқындалу үстінде.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть