Павлодар ауданының әкімі Александр Бабенко ауыдан әкімдігінің қызметкерлері мен ауылдық округ әкімдерін 19 қаңтар күні християндардың діни рәсімін орындау үшін бірге суға шомылуға шақырды, деп хабарлайды pavlodarnews.kz тілшісі.
Діни рәсімді орындау кезінде мұздай суға түсуді аудан әкімі осыдан үш жыл бұрын бастаған. Әкімнің бұл дәстүрін әйелі де құптайды. — Ойық мұзға шомылу адамға жақсы көңіл-күй сыйлайды. Дененің барлық организмі күшейіп, энергиясы артады. Осындай діни рәсім кезінде ауарайдың суықтығына қарамастан суға шомылып, содан суық тиіпті дегенді әлі естімедім. Керісінше, бұдан кейін көп уақыт ауырмайсыз, — дейді Александр Бабенко. Айта кету керек, Павлодар ауданында қазіргі таңда 160 адам мемлекеттік қызмет саласында жұмыс істейді.
