Жарияланды: 510

Байқоңырлықтар қаланың 50 жылдық мерейтойын атап өтуге әзірленуде

2005-жылдың маусым айында Байқоңыр қаласына 50 жыл толады. Осыған байланысты қалалық әкімшілік ғарыш айлағындағы бірқатар нысандарды жаңалауға шешім қабылдады,- делінген Росавиакосмос агенттігінің хабарламасында.

Жаңалау шаралары "Байқоңыр кешенінің инфрақұрылымын сақтау және қалпына келтірудің 2001-2005-жылғы басым бағыттары" атты мақсатты бағдарлама аясында жүзеге асырылады. Осыған байланысты қала әкімшілігінің төрағасы Александр Мезенцевтің шақыруымен Санкт-Петербургтен "Канон" фирмасының бас директоры, Ресей сәулетшілер одағының мүшесі Николай Соколов Байқоңырға келді. Ол алдағы 3-4 айдың ішінде қаладағы аса маңызды нысандарды жаңалау жобасын жасап шығаруға тиіс. "Канон" фирмасы болашақ жөндеу жұмыстарына авторлық бақылау жасайды. Ал жаңалау жұмыстарының мердігерлері Байқоңыр қаласының өзінде іріктеледі.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть