Балалар қоршаған ортаны қорғауға бағытталған ЮНЕП күш-жігеріне өз үлестерін қосады

Алматы. 18 маусым. "Қазақстан Бүгін" - Әлемнің 100 елінен 700 бала қоршаған ортаны қорғауға арналған халықаралық конференцияға қатысу үшін Норвегияға келді. Конференция БҰҰ-ның қоршаған ортаны қорғау жөніндегі бағдарламасының (ЮНЕП) ұйымдастыруымен өтеді. 10 мен 14 жас аралығындағы балалар бір апта бойы өзіміз өмір сүріп жатқан жерге қатер төндіріп отырған проблемаларды талқылап, оны қорғау жолдары жайлы пікір алмасады. ЮНЕП олардың назарына өскін белсенділер өз қалаларында, ауылдары мен қауымдарында жүзеге асыра алатын жобаларды ұсынады, деп хабарлайды агенттік тілшісі БҰҰ жаңалықтар орталығына сілтеме жасап.