Жарияланды: 30

«Bek Air» ұшағы апатынан бір жыл өткен соң: авиация саласы қалай өзгерді?

«Bek Air» ұшағы апатынан бір жыл өткен соң: авиация саласы қалай өзгерді? Сурет - Azattyq ruhy

Бүгін «Бек Эйр» әуе компаниясының Fokker-100 UP–F1007 әуе кемесі апатына бір жыл толды. Әуе апатынан 12 адам қаза тапты. Аталған авиациялық оқиғаның тергеу комиссиясы жұмысын жалғастыруда.

Әуе кемесі апатынан кейін ҚР Президенті Қасым-Жомарт Тоқаевтың тапсырмасына сәйкес ҚР ИИДМ Азаматтық авиация комитеті «Қазақстанның авиациялық әкімшілігі» АҚ-мен бірлесіп Қазақстанның барлық авиакомпанияларының қызметіне жоспардан тыс аудит жүргізді.

«Осы оқиғаны тергеуде біздің елімізге кезінде Ұлыбританияның Азаматтық авиация агенттігі (UK CAA), Еуропалық комиссия мен Ұшу қауіпсіздігі жөніндегі Еуропалық авиациялық агенттігі (EASA) белсенді қолдау көрсетті. және Қазақстанның авиациялық әкімшілігінің дамуына ықпал етуді жалғастыруда. Олар «Қазақстанның авиациялық әкімшілігі» АҚ-ның дамуына қолдау көрсетуді жалғастыруда», - делінген ҚР Индустрия және инфрақұрылымдық даму министрлігініңбаспасөз хабарламасында.

Ең алдымен, Қазақстанның авиациялық әкімшілігінің мамандары британдық реттеушінің инспекторларымен бірлесіп, «Бек Эйр» әуе компаниясына толық аудит жүргізді.

Ұшу қауіпсіздігін бірқатар елеулі заңбұзушылықтардан басқа, тексеру барысында «Бек Эйр» әуе компаниясы халықаралық рейстерді орындауға сертификаты жоқ әуе компания Ауғанстан мен Африка елдеріндегі рейстерге заңсыз қызмет көрсеткені анықталды. Ішкі тергеу бес айға созылды, содан кейін іс ҚР Ішкі істер министрлігінің тергеушілеріне берілді. Тергеу жалғасуда.

Сондай-ақ, аудит аясында бұрын «Бек Эйр» әуе компаниясын тексерген екі авиациялық әкімшілік инспекторына қатысты ішкі тергеу жүргізілді. Инспекторлардың әрекеттері орынсыз деп танылғандықтан, олар қызметінен босатылды.

Пікір қалдырыңыз

Пікір қалдыру тіркелген пайдаланушылар ғана мүмкін