Биыл алғашқы бес айда атқарылған құрылыс жұмыстарының көлемі 1,1% артқан

Статистика агенттігінің сейсенбідегі ақпарына қарағанда, жалпы құрылыс жұмыстарының 27,8%-ын жаңадан тұрғызылған ғимараттар құрайды. Бұған 142,8 млрд теңге жұмсалған. Аталған уақыт аралығында қабырғасы қаланған 9144 жаңа ғимараттың 7649-ы тұрғын үй, қалған 1495-і өзге мақсаттарға арналған. Осы уақыт аралығында тұрғын үй құрылысына 128,3 млрд теңге жұмсалған. Аталған бес айда тұрғын үй құрылысына салынған қаржының 53,4%-ы тұрғындардың өз қаржысы есебінен алынған. 2011 жылдың қаңтар-мамыр аралығында республикамызда 1975 мың шаршы метр баспана тұрғызылған. Бұл былтырғы жылдың бастапқы бес айымен салыстырғанда 2,2% кем.