Аудан әкімі Нұрлан Рахымжановтың айтуынша, 28 жастағы Бекет Қожантаев жанжал кесірінен өзінің үлкен ағасына бірнеше пышақ жарақатын салған. Ағасы алған жарақаттан көз жұмған.
“Ұрыс басталған кезде 29 жастағы Медет үшін, оның әйелі жақтаса бастайды. Ал Бекет әйелге де пышақ салған. Бірақ, оның жарақаты қауіпті емес”, – дейді әкім.
Әкімнің айтуынша, олардың отбасы тыныш жанұялардың бірі болыпты. Ешқайсысы ішімдікке әуестенбеген. Қайтыс болған Медет әскери комиссариатта жұмыс жасаса, Бекет жұмыссыз болған.
Қазір күдікті уақытша тергеу изоляторында отыр.