Бұл туралы Caravan.kz порталы Sputniknews.kz -ке сілтеме жасап хабарлайды.
Синоптиктердің болжамына сәйкес, 19-20 наурызда ел аумағының басым бөлігі солтүстік-батыс антициклон жотасының ықпалында болады, соған байланысты аяз болады, жауын-шашын жаумайды.
Алайда 20 наурызда солтүстік, солтүстік-батыс аймақтарда, 21 наурызда республиканың көп бөлігінде ауа температурасы көтеріледі және ауа райы нашарлайды – қар жауады, оңтүстік және оңтүстік-шығыста қар аралас жаңбыр жауады, жел күшейіп, боран болады. Республика бойынша тұман түседі.
Ірі қалалардағы ауа райы
Нұр-Сұлтанда 19-20 наурызда күн бұлтты, түнде -23…-28C, күндіз -6…-8C көрсетеді. 21 наурызда да күн бұлтты, ауа температурасы түнде -18C, күндіз -7C болады.
Алматыда 19 наурызда қар аралас жаңбыр жауады, түнде 0C, күндіз +7C болады. 20 наурызда да қар аралас жаңбыр жауады, түнде -1C, күндіз +4C көрсетеді. 21 наурызда күн бұлтты, түнде -1C, күндіз +10C жылы.
Шымкентте 19 наурызда күн бұлтты, түнде -4C, күндіз +9C көрсетеді. 20 наурызда да күн бұлтты, ауа температурасы түнде -2C, күндіз +13C болады. 21 наурызда түнде -1C, күндіз +17C көрсетеді.