«Эйр Астана» ұшақтары Талдықорғанға қыркүйектің ортасынан бастап ұшады

Бұл ақпаратты Алматы облысы әкімінің орынбасары Бақтияр Өнербаев нақтылады.

Оның айтуынша, Талдықорған қаласындағы әуежайдың ұшу-қону жолағы реконструкцияланып, ол 500 метрге ұзартылды, ені 16 метрге жетті. 

- Жолаушылар мінген алғашқы ұшақ Талдықорған әуежайына 4 қыркүйекте қонады деп жсопарлаған едік. Алайда ол 10 күнге шегерілді. Енді бұл ұшу 14 қыркүйекте жүзеге асырылмақ. Ұшақ билетінің құны шамамен 18 мың теңге болады, - деді Б.Өнербаев.

Сондай-ақ «Жетысуавиа» әуе компаниясымен «Талдықорған-Үшарал» рейсі қолға алынбақ. Осылайша, Алакөл маңында демалғысы келетін туристер үшін жергілікті билік көлік инфрақұрылымын жақсартпақ.