Жарияланды: 450

Еліміздегі тұрғын үй құрылысына арналған жинақтар жөніндегі мемлекеттік банк тамызда өз жұмысын бастайды - Ұлттық банк төрағасы

Еліміздегі тұрғын үй құрылысына арналған жинақтар жөніндегі мемлекеттік банк тамызда өз жұмысын бастайды. Бұл туралы Ұлттық банк төрағасы Григорий Марченко бүгін, 28-шілдеде Алматыда өткен баспасөз мәслихатында хабарлады.

Оның айтуынша, қазір барлық ұйымдастыру процедуралары аяқталуға жақын. Банктің капиталын қалыптастыру шарасына арнап үкімет биылғы бюджетте 500 млн. теңге қарастырған. Банк салалық бөлімшелер ашпай, Қазпошта желісі арқылы жұмыс істейді деп межеленген. Г.Марченконың айтуынша, бүгінде жинақ мерзімін екі жылға дейін азайту, сондай-ақ, үкімет тарапынан банк салымшысына төленетін ақы көлемін арттыру мәселелері талқыланып жатқан көрінеді. Осы орайда Ұлттық банк төрағасы қаржыландырудың осындай жолы туралы заңның 2000-жылы қабылданғандығын еске сала кетті.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть