Еліміздің шығысында да күн күрт суытады. «Қазгидромет» мамандары қарашаның 18-і мен 19-ы күндері ауаның температурасы 40 градусқа дейін төмендейтінін ескертіп отыр, деп хабарлады 24.кз
Антициклон салдарынан үскірік аяз болып, екі күн бойы мектептерде сабақ болмауы мүмкін. Төтенше жағдайлар департаменті қызметкерлері тұрғындарға алыс жолға шықпауға кеңес береді. Бұған дейін қар құрсауында қалған 100-ден аса адам құтқарылған. Мамандар қатты аязда қатып қалатын дизельді отынмен жүретін көлік иелерін мұқият болуға шақырады. Тимур Дидахметов, Облыстық ТЖД басқарма басшысының міндетін атқарушы: — Төтенше жағдайлар департаментінің базасында жедел жұмыс жүргізуге 153 техника дайын. Соңғы тәулікте біз 7 адамды құтқардық. Олар қатты аяз салдарынан көліктері жүрмей, жолда қалған.
