Бұл туралы Астана қалалық Ішкі істер департаментінің баспасөз хатшысы София Қылышбекова мәлім етті.
«Астана қалалық ішкі істер департаментінің қызметкерлері елорданың 17 жастағы тұрғынын өлтірді деген күдікпен азамат М-ны тұтқындады. Қыз пышақ жарақатынан көз жұмды. Айта кетерлігі, күдікті зардап шегушінің анасына да пышақ жарақатын салған», — деді ол.
Алдын ала мәліметтерге сәйкес, бозбала мен бойжеткен бір-бірімен таныс болған.
«Күдікті тергеу абақтысына қамалып, оның үстінен ҚР ҚК-нің 96 бабы бойынша қылмыстық іс қозғалды. Қазіргі уақытта барлық қажетті сараптамалар тағайындалып, тергеу амалдары жүргізілуде», — деді С.Қылышбекова.