Елордада көлік ұрлаумен айналысқан ұры қолға түсті

Бұл туралы бүгін Астана қалалық ішкі істер департаментінің Тергеу басқармасы бастығының орынбасары Талғат Жұманов мәлім етті. Оның айтуынша, 22 маусым күні Сарыарқа аудандық ішкі істер басқармасына маусымның 21-інен 22-сіне қараған түні аулада тұрған «Фольксваген Пассат» маркалы көлігінің ұрланғандығы туралы 46 жастағы азамат өтініш берген. «Айдап әкету» жедел алдын алу іс-шарасы барысында 17 шілде күні бұған дейін бірнеше мәрте сотталған 31 жастағы елорда тұрғыны аталған қылмысқа күдікті ретінде ұсталды. Ол осы қылмысты және бірнеше көлікті ұрлағандығын мойындап отыр», - деді ол. Т.Жұмановтың атап өтуінше, осы іс бойынша қылмыстық іс қозғалып, күдікті уақытша оқшаулар орнына қамалған.