Еуроодақтағы жұмыссыздық деңгейі 9,5%-ға жетті

Биылғы жылдың шілде айында Еуроодақ елдеріндегі жұмыссыздық деңгейі маусымдық ауытқушылықтарды есепке алғанда 9,5% құрады.

Бұл туралы сейсенбі күні жарияланған ЕО-ның «Еуростат» статистика қызметінің мәліметтерінен белгілі болды.

«Еуростат» мәліметтері бойынша, шілдеде 23,067 млн. адам жұмыссыздар қатарында болған, соның 4,6 миллионы - 25 жасқа дейінгі жастар.

Жұмыссыздықтың ең жоғары деңгейі Грекияда тіркелген - 25%, Испанияда - 22,2%, Хорватияда - 15,1%, Кипрде - 16,3%.

Ең төмен көрсеткіш Германияда - 4,7%, Чехия мен Мальтада - 5,1%.