Францияда қаза болған қазақ отбасының туыстары Еуропаға аттанады

Франция жандармериясының хабарлауынша, лайнер құлаған жерден мәйттердің 700-ге жуық бөлігі табылыпты. Әзірге ДНК арқылы оның 78-нің ғана аты-жөні анықталған. Еске салсақ, 24-ші наурызда Францияның онтүстігінде «Germanwings» әуе компаниясына тиесілі «Airbus A-320» ұшағы құлап, 150 адам қаза тапқан еді. Іздестіру жұмыстары әлі де жалғасып жатыр. Апаттың ресми себебі айтылған жоқ. Бірақ қара жәшікке сүйемелденген болжам бар. Оған қарағанда, лайнердің құлауына ұшқыштың бірі — 28 жастағы Андреас Любиц себепші болған. Жігіт суицид жасауға оқталып жүргенін әлеуметтік желіге жазып қалдырыпты. Және оның гомосексуалистер сайтына кіріп, психиатрға барып жүргені де анықталып отыр. Қаза тапқандар арасында біздің де 4 жерлесіміз бар. Олар – «Тау-кен Темір» компаниясының басшысы 50 жастағы Ербол Иманқұлов, оның әйелі мен ұлы және бұрынғы отандасымыз, 54 жастағы опера әншісі Олег Брыжак.