—Джи Джи Джи. Ақ түсті Киа. Осы көлік бойынша жұмыс жасаймыз. Жалған нөмірмен жүр.
Алғашында мұндай нөмірді көзімен шығарып салған погондылар, артынша көлікті қуып жүріп тоқтатқан. Сөйтсе, жас жігіт белгілі боксшы Геннадий Головкинді қатты құрметтейтінін көрсету үшін жалған нөмірді жасатып, көлігіне тағып алыпты. Қазір бокс фанатының көлігі айып тұрағына қойылды. Ал жігіттің өзі жүргізуші куәлігімен бір жылға қоштасатын болды. Енді полицейлер кез-келген жұлдыздың аты-жөнін оп-оңай мемлекеттік нөмірге жазып беретін мекемені тауып, жазаламақшы.