Мәжіліс Халыққа қызмет көрсету орталығының қызметі туралы заңдарға өзгерістер енгізу жөніндегі келісім комиссиясының ұсынысын мақұлдады

Заң жобасы сенаттың қарауына жіберілді. Бұрын сенаттың заңдар және құқықтық мәселелер жөніндегі тұжырымында көрсетілгендей, сенаторлар куәландыру орталығын аккредитациялау туралы куәліктің күшін уақытша тоқтату, қалпына келтіру және тоқтату бойынша ақпараттандыру саласындағы құзырлы орган өкілеттігін қарастыратын норманы алып тастауды ұсынды. Мәжілістің заң және сот-құқықтық реформа жөніндегі комитет тұжырымдамасына бұдан бұрын мәлімделгендей, депутаттар ұсынған заң жобасы Халыққа қызмет көрсету орталықтарының жеке және заңды тұлғаларға "бір терезе" қағидасымен мемлекеттік қызметтер көрсетуіне байланысты қатынастарын реттеуді жетілдіру мақсатында әзірленген. Заң жобасы аталмыш функцияларды жергілікті атқару органдарынан ақпараттандыру саласындағы құзырлы органға өткізіп беруді көздейді. Халыққа қызмет көрсету орталықтары Байланыс және ақпарат министрлігінің қарамағында екені мәлім. Жұмыс барысында заң жобасы "бір терезе қағидасы", "автоматтандыру", "мекенжайдың тіркеу коды" секілді түсініктермен толықтырылған.