Бұл жиынға Нидерландтың «Shell», «Philips» және «DSM» сынды ірі компаниялары атсалысып, көрмеге қатысу мәселелерін талқылады.
«Біз Нидерланд елі ЭКСПО-2017 көрмесінің қатысушыларының бірі болады деп ойлаймыз. Себебі бұл ел — әлемде баламалы энергия көздерін қолданатын алдыңғы қатардағы елдердің бірі», — деді Рәпіл Жошыбаев журналистермен кездесуінде.
Оның айтуынша, ЭКСПО-2017 көрмесінің тақырыбы «Болашақ энергиясы» деп аталуының өзі Нидерланд елінің бизнесмендерінің қызығушылығын оятқан. Олар астанада өтетін көрмеге өздерінің заманауи озық технологияларын әкелуді көздеп отыр.