Бұл туралы Caravan.kz медиа портал Қазақпарат-қа сілтеме жасап хабарлайды.
ШҚО Полиция департаменті баспасөз қызметінің мәліметіне сүйенсек, жол-көлік оқиғасы 13 сәуір күні облыстың маңызы бар «Өскемен-Алтай» тасжолының Алтай қаласының маңындағы учаскесінде болған.
«Жанармай таситын «Volvo» маркалы жүк көлігінің жүргізушісі қауіпсіз жылдамдықты таңдамай, рульді басқара алмай қалған. Соның салдарынан көлік жыраға құлады», — делінген ақпаратта.
Абырой болғанда, зардап шеккен ешкім жоқ. Жүргізушіге қатысты әкімшілік хаттама толтырылды.
Айта кетейік, көліктен жерге жанармайдың төгілген-төгілмегені әзірге белгісіз. Облыстық Экология департаментінің мамандары сол жерге барып, тексеру жүргізбек.