Жарияланды: 30

Павлодар облысында 1 қыркүйекте 100 домбыра сыныбы ашылады

Павлодар облысында 1 қыркүйекте 100 домбыра сыныбы ашылады

Өңір мектептерінде 1 қыркүйекте меценаттар мен демеушілердің есебінен 100 домбыра сыныбы ашылады.

Бұл туралы өңірлік коммуникациялар қызметінде өткен баспасөз конференциясында облыстық білім беру басқармасының басшысы Дінислам Болатханұлы мәлім етті, деп хабарлады pavlodarnews.kz.

«Облыс әкімінің бастамасымен қазақтың ұлттық аспаптарын меңгерту, балалардың бойында халық шығармашылығына деген сүйіспеншілікті ояту мақсатында домбыра сыныптарын ашу қолға алынды. Сонымен қатар, өңірде «Домбыра сыйла» акциясы жарияланған. Алғашқылардың бірі болып Павлодар қаласының әкімі Қайрат Нүкенов игі бастаманы қолдап, Павлодар қаласының № 18 мектебінде домбыра кабинетін жабдықтау үшін үш миллион теңгеге сертификат бөлді», - дейді Дінислам Болатханұлы.

Бұдан басқа, Тереңкөл ауданында 25 мектепке шаруа қожалық иелері 200 домбыра, Успен ауданының меценаттары ауданның үш мектебіне 30 домбыра алып бермек. Сондай-ақ, Ақтоғай ауданы Мүткенов мектебінің түлектері де атсалысуға ниет білдірген.

Еске сала кетейік, жастар саясаты бойынша кеңестің кеңейтілген отырысында облыс әкімі Болат Бақауов мектептерде домбырада ойнауды үйрететін сыныптар ашу еш қиындық тудырмайтынын жеткізген болатын.

Пікір қалдырыңыз

Пікір қалдыру тіркелген пайдаланушылар ғана мүмкін