Жарияланды: 540

Президент діни экстремизммен күресті күшейтуді тапсырды

Қазақстан билігі кезекті рет экстремизмге деген кері көзқарасын білдірді. Бүгін Елбасы Нұрсұлтан Назарбаев құзырлы орган басшыларын жинап, оларға жат діни ағымдардың ел арасында таралмауына жол бермеу жайын ескертті. Бұл талап Қауіпсіздік кеңесінің отырысы барысында қойылды.

Басқосу әдеттегідей жабық есік жағдайында өтті. Күн тәртібіндегі басты мәселе дін саласындағы тұрақтылықты нығайту болды. Мемлекет басшысы атап өткендей, Қазақстанда әркімге қалаған дінін ұстану еркіндігі берілген. Бірақ бұл жайт билікті дін саласындағы қарым-қатынасты реттеу міндетінен босатпайды. Елде экстремистік насихатқа жол берілмеуі тиіс. Әсіресе конституциялық құрылысты күштеп өзгертуге бағытталған, әрі халыққа қатер төндіретін ашық акцияларды болдырмау қажет. Осыған байланысты Президент мемлекеттік органдарға діни-экстремистік көріністерді ашуда дереу әрекет етуді тапсырды. Барлық әкімдер жер-жерде тәрбие жұмысын күшейтіп, діни бірлестіктерді қатаң бақыламақ. Дегенмен басты жауапкершілік Дін істері агенттігіне жүктеліп отыр. 

Пікір қалдырыңыз

Пікір қалдыру тіркелген пайдаланушылар ғана мүмкін