Алматы. 19 маусым. "Қазақстан Бүгін" - Кеше Ашхабад қаласында ірі көлемдегі жоба болып табылатын Каспий маңы газ құбырын салу және қазіргі мемлекетаралық газ тасымалдау жүйесін жаңарту жобасын алға жылжыту аясындағы үшжақты үйлестіру комитетінің алғашқы отырысы болып өтті. Оның аясында Қазақстан, Ресей мен Түркіменстан елдерінің өкілдері жобаны жүзеге асырудың негізгі қағидалары жөніндегі келісімді жасау жайлы келісті, деп хабарлайды "Қазақстан Бүгін" агенттігінің тілшісі Түркіменстанның "Туркмен довлет хабарлары" (ТДХ) мемлекеттік ақпарат агенттігіне сілтеме жасай отырып.
ТДХ ақпаратына сүйенсек, кездесуге Қазақстанның «ҚазМұнайГаз» компаниясының, Ресейдің «Газпром» ААҚ және «Түркіменгаз» мемлекеттік концернінің басшылары қатысқан. Отырыс барысында ой-пікірлер алмасылды. Оның аясында тараптардың әрқайсысы барлық қарастырылып отырған мәселелер бойынша ұстанымдарды әрі қарай келісуге бағытталған ұсыныстарды таныстырды.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті