Қазақстандағы АҚШ елшісі жұмыс бабындағы сапармен Батыс Қазақстан облысына барады

Бүгін, 30-шілдеде АҚШ-тың Қазақстандағы төтенше және өкілетті елшісі Ларри Нэппер жұмыс бабындағы сапармен Батыс Қазақстан облысына барады. Бұл туралы KZ-today тілшісіне Батыс Қазақстан облыстық әкімшілігінен хабарлады.

Сапар барысында АҚШ елшісі халықаралық қорлардан қаржыландырылатын үкіметтік емес ұйымдардың өкілдерімен, атап айтсақ, адам құқықтарын қорғау жөніндегі халықаралық қордың салалық бөлімшесінің өкілдерімен кездеседі.

Сондай-ақ, Ларри Нэппер Қарашығанақ кенішінде болып, журналистермен жүздеседі деп күтілуде.