"Қазпошта" ашық акционерлік қоғамында Қазақ тілі күндігі өткізілуде

Бүгін барлық департаменттер мен басқармалардың қызметкерлері күні бойы қазақ тілінде сөйлесетін болады. Акционерлік қоғам мемлекеттік тілді дамытудың кешенді бағдарламасын жасап, пошта қызметкерлеріне арналған қазақ-орыс тілашар сөздігін шығарды. Қазақ тілін үйренуге арналған курстар тұрақты жұмыс істейді. Бүгінгі акция бағдарламасында басшылардың баяндамасы, пікірталастар, сахналық қойылымдар тәрізді сан-салалы шаралар ескерілген. Шараға "Қазпошта" ашық акционерлік қоғамының орталық кеңсесінің қызметкерлері, аударма бөлімі мен құжаттық қамтамасыздық басқармасының мемлекеттік тілді дамыту бөлімінің қызметкерлері , Алматы қалалық әкімшілігінің өкілдері қатысады.