Жарияланды: 350

ҚР Үкіметі адамдардың қысқарған жұмыс сағаттарын субсидияламақ

ҚР Үкіметі адамдардың қысқарған жұмыс сағаттарын субсидияламақ

Қазақстан Үкіметі білікті мамандардың қысқарған жұмыс сағаттарын субсидиялауды жоспарлап отыр.

Бұл туралы бүгін Орталық коммуникациялар қызметіндегі баспасөз мәслихатында ҚР Премьер-Министрінің бірінші орынбасары Бақытжан Сағынтаев мәлім етті.

Оның айтуынша, қолдаудың осындай шаралары «Жұмыспен қамту-2020» бағдарламасына өзгертулер аясында қарастырылып отыр. 

«Білікті жұмысшыларға тоқталатын болсақ, бұл бағытта қолдау көрсетудің бірнеше нұсқасы бар. Егер де оның жұмыс күні қысқарса, яғни шартты түрде сегіз сағаттан алты сағатқа дейін қысқаратын болса, онда осы жоғалтып отырған екі сағатын біз өзіміздің мойнымызға алып, жоғалтқан табыстың үштен екі бөлігін субсидиялаймыз»,-деді Б. Сағынтаев.

Белгілі болғандай, бағдарлама аясында білікті жұмысшылар үшін гранттар бөлінбек. Бұл тұрғыда жұмыс берушілер қызметкерлерді оқытуға немесе біліктілігін арттыруға жіберуге назар аударуы тиіс болады.

Пікір қалдырыңыз

Пікір қалдыру тіркелген пайдаланушылар ғана мүмкін