Жарияланды: 500

ҚР Жоғары сотының төрағасы республикалық соттар жұмысының жақсара бастағанын атап өтті

Жергілікті соттарға келіп түскен қылмыстық істер мен арыз-шағымдардың 29,4 процентке артқанына қарамастан, процессуалдық мерзім туралы талапты бұза қаралған істер саны үш есе азайды. Бұл туралы, бүгін, 19-тамызда Елбасы Нұрсұлтан Назарбаевпен кездесуде ҚР Жоғары сотының төрағасы Қайрат Мәми хабарлады.

ҚР президенті әкімшілігінің баспасөз қызметінен келіп түскен ақпаратқа сүйенсек, Қайрат Мәми мемлекет басшысына республикалық соттардың 2003-жылдың бірінші жартысындағы жұмыс қорытындысын таныстырған. Сондай-ақ, Елбасымен кездесу барысында судьялыққа кандидаттарды жоғары оқу орнынан кейінгі дайындықтан өткізу мақсатымен ҚР Жоғары сотының жанындағы сот академиясының базасында магистратура ашу қажеттігі туралы әңгіме қозғалды. Сондай-ақ Нұрсұлтан Назарбаев присяжныйлар сотын қолданысқа енгізуге дайындық жұмыстарының барысына және Есілдің солтүстік жағалауында салынып жатқан ҚР Жоғары соты ғимаратының салыну барысына назар аударды.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть