ҚТЖ ғимаратындағы өрт 12 минут ішінде ауыздықталды - kaz.caravan.kz
  • $ 464.72
  • 496.32
+31 °C
Алматы
2024 Жыл
23 Маусым
  • A
  • A
  • A
  • A
  • A
  • A
ҚТЖ ғимаратындағы өрт 12 минут ішінде ауыздықталды

ҚТЖ ғимаратындағы өрт 12 минут ішінде ауыздықталды

"Қазақстан темiр жолы" компаниясының ғимаратындағы өрт небары 7 минутқа созылды. Бұл туралы компанияның баспасөз қызметi хабарлады.

  • 28 Тамыз 2015
  • 427
Фото - Caravan.kz

Ал, өрт сөндiрушiлер жалын мен түтiндi  12-15 минут iшiнде толық ауыздықтаған.

Өрт жылыту маусымына дайындық аясында жетiншi қабаттың шатыры мен ғимарат сыртында жүргiзiлген жөндеу жұмыстары салдарынан пайда болған.

"Өрт туралы ақпарат сағат 16.18-де келiп түстi. Мұндай мекемеде, яғни, үшiншi рангта өрт болды десе, бүкiл горнизон өрт болған жерге аттануға мiндеттi. Бiз оқиға орнына келiп, жағдайды бақылаған соң, сегiз техниканы — төрт өрт сөндiрушi машина мен төрт сатысы бар машинаны  қалдырдық. 12 минут iшiнде жалынды толық ауыздықтадық. Қазiр ешқандай қауiп жоқ, өрттi толық сөндiрдiк. Өрт, алдын ала болжам бойынша, ғимараттың жетiншi қабатының сыртында жүргiзiлген шатырды жөндеу жұмыстары себепті орын алған. Зардап шеккендер жоқ. «Қазақстан темiр жолы» компаниясының осы ғимаратында 1800 адам отырады, оның мыңға жуығы бiз келгенше сыртқа шыққан, қалғанын бiз эвакуацияладық", — дедi оқиға орнында журналистерге түсiнiктеме берген Астана қалалық ТЖД Өрт сөндiру қызметi басшысының орынбасары Серiкхан Тұраров.

Қазiр компания қызметкерлерiнiң барлығы ғимаратқа кiрдi.


Соңғы жаңалықтар
Хиджап киюге тыйым салынды
Жаңалықтар 23 Маусым