Баспасөз қызметінің ақпаратына сәйкес, бұл шара жайында Қаржы министрлігі бастама көтеріп, парламентке тиісті заң жобасын жолдады.
Осы мәселе бойынша Жогорку кенеште сөйлеген қаржы министрі Тажикан Калимбетовтың хабарлауынша, 2008 жылдың 5 айында республикалық бюджетке түскен кіріс (арнаулы қаржысыз) 13,2 млрд сом немесе жоспарлы көрсеткіштің 101,3% құрады. Жоспардан тыс қосымша 170,8 млн сом түсіп, 2007 жылдың тиісті кезеңімен салыстырғанда кіріс базасы 49,4%-ға (4,3 млрд сом) өсті.
Ал шығыс бөлігі 16,3 млрд сом немесе жоспарлы көлемнің 95,6% деңгейінде орындалды. Ағымдағы жылдың 5 айындағы 14,9 млрд сом түсім мен 16,3 млрд сом көлеміндегі шығыстар арасындағы қаржылық айырмашылық 1,5 млрд сомға жеткен.
Оны қысқарту және одан әрі өсірмеу үшін бюджет шығындарын 20%-ға қысқарту қажет.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті