Отандастарымыздың емделуіне және оның жақындарының Қытайға барғандағы шығындарын жолаушылар тасымалдайтын «Синзэ» компаниясы мойынына алыпты. Істі Қытайдағы Қазақстан елшілігі қатаң бақылауында ұстап отыр. Айта кетсек, Семейден-Үрімшіге бағыт алған автобустың апатқа ұшырағанын кеше хабарлағанбыз. Жолаушыға лық толы қоғамдық көлік қарсы бағытқа шығып кетіп, жеңіл машинамен соғылған. 2 адам мерт болып, 19-ы түрлі жарақатпен ауруханаға жеткізілді.
Нұржан Айтмаханов, ҚР СІМ баспасөз хатшысы:
— Министрлік жапа шеккен азаматтардың туыстарына жедел виза әзірлеуде қолғабыс көрсетуде. Олар сол Зимунай ауылына барып зиярат етуде. Жол көлік оқиғасына қатысты тергеу жұмыстары жүріп жатыр