Семей қалалық жұмыспен қамту орталығында тіркеуде тұрған жұмыссыздар саны 5026 адамға жетті

Тіркеуде тұрған жұмыссыздардың 63,1 процентін (3173 адам) әйелдер құраса, олардың әрбір бесіншісі ауыл тұрғындары. 2004-жылдың 1-наурызында қалалық кәсіпорындар мен ұйымдардың қызметкерлерге деген сұранысы 483 адам болды. Бір орынға орта есеппен тіркеуде тұрған 10 жұмыссыз таласты. Қалалық статистикалық бөлімнің мәліметіне сәйкес, 2004-жылғы 1-наурыздағы жағдаймен, түрлі экономикалық себептерге байланысты қалада жалпы саны 936 адам жұмыс істейтін 5 кәсіпорын жұмысын тоқтатты. 6 кәсіпорын жартылай жұмыс жүргізуде. Бұл кәсіпорындарда 1637 адам жұмыс істейді. 122 адамды жұмыспен қамтып отырған екі кәсіпорын жартылай жұмыс күні режиміне көшті. 2004-жылғы 1-наурыздағы жағдаймен, 1155 адам мәжбүрлі демалысқа шықты.