Басқарма ақпаратына сәйкес, өрт бүгін «Авиатрансгрупп» ЖШС аумағында шыққан. «Креозол сіңірілген шпалдар жанды. Бұл аса жанғыш зат және сондықтан өрт сөндіру шарасы көбік түзгіш ерітіндінің көмегімен жүзеге асырылды», — деп хабарлайды мекеме.
Шпалдарға сіңірілген заттың жанғыштығына байланысты жалынның сол маңға таяу орналасқан ағаш кесу цехына қарай ойысу қаупі болды. «Алайда, өрт сөндірушілердің шұғыл әрекетінің арқасында оған жол берілмеді», — дейді қызметтегілер.
Құрбан болғандар мен зардап шеккендер жоқ.
Өртке жоғары күрделілік дәрежесі берілді, жалынды ауыздықтауға 10 адам мен 3 автоцистерна тартылды.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті