Сенат ҚР Әкімшілік кодексіне дәрілік заттардың айналымына қатысты енгізілетін түзетулерді бірінші оқылымда мақұлдады

«Парламент «Емдік дәрі-дәрмектер туралы» заңды қабылдауына байланысты әкімшілік Кодекске түзетулер енгізу қажеттігі туындады»,- деді палатаның жалпы отырысында сөз сөйлеген заң жобасының авторы, мәжіліс депутаты Шаймерден Оразалинов. Оның түсніктемесіне жүгінсек, «заң жобасы бойынша әкімшілік кодекске дәрілік заттардың айналымын жүзеге асырушы уәкілетті мекемеге дәрілік заттардың айналымы, оларды сату және сатып алу, тіркеу талаптарын бұзғаны үшін әкімшілік айыппұл салу құзырын беру туралы түзету енгізіледі». Сондай-ақ, Ш.Оразалиновтың айтуынша, «ҚР Әкімшілік заң бұзушылық жөніндегі Кодексіне дәрілік заттардың айналымын жауаптанатын құзырлы мемлекеттік мекемеге тиісті құқықтар мен құзыреттер беру жөнінде түзетулер енгізіледі».

Заң жобасы екінші оқылымға әзірлеу үшін жұмыс тобына тапсырылды.