Мәртебелі мейманды Елорданың көркі ғана емес, Ақорданың ерекше сәулеті таңқалдырған. Нұрсұлтан Назарбаев Швейцария Президентіне ерекше құрмет көрсетті. Осындай ізгі ілтипаттан соң мемлекет басшылары екі жақты экономикалық байланысты қазіргіден де нығайтуға келісті. Ал Назарбаев Швейцарияны Еуропадағы негізгі серіктесі санайтынын мәлімдеді. Оның үстіне бұл ел 10 жылдың ішінде Қазақстанға 12 миллиард доллар инвестиция құйған. Швейцария қазір ОБСЕ-ге жетекшілік етеді. Сондықтан Дидье Буркхальтер мен Нұрсұлтан Назарбаевәлемдегі қауіпсіздік мәселелерін де талқылады.