Бұл туралы Caravan.kz медиа порталы Sputnik.kz-қа сілтеме жасап хабарлайды.
"Көктем солтүстік аймақ тұрғындарын жылы ауа-райымен ұзақ қуантпады. 22 сәуірден бастап елдің солтүстік жартысына суық солтүстік-батыс антициклоны жетеді. Ол таза арктикалық ауаны алып келеді. Қараралас жаңбыр жауып, ауа температурасы төмендейді", — деп атап өтті Қазгидромет.
Елдің батысы мен шығысында қатты жаңбыр болып, шығыста қарға ұласады.
Оңтүстік өңірлерде жылы ауа райы сақталады. Олар Оңтүстік ауа массаларының ықпалында болады. Найзағай ойнап, азын-аулақ жаңбыр жауады. Бірақ жылы ауа райы сақталады.
Ірі қалалардағы ауа райы
Нұр-Сұлтанда 21 сәуірде күндіз плюс 13 градус, жаңбыр жауады, түнде плюс 6 градус. Жұмада күндіз 5 градус жылы, күн бұлтты, түнде 0 градус. 23 сәуірде күндіз күн ашық, плюс 5, түнде 2 радус нөлден жоғары.
Алматыда 21 сәуірде күндіз +20, түнде +16 градус. 22 сәуірде күндіз +23 градус, түнде аздаған жаңбыр жауады, 18 градус жылы. Сенбіде күндіз +24 градус, түнде 15 градус жылы.
Шымкентте 21 сәуірде күндіз +20 градус, найзағай ойнап, аздаған жаңбыр жауады. 22 сәуірде күндіз + 24 градус. Сенбіде күн бұлтты, 25 градус жылы.
