Жарияланды: 2000

Төреғалидың келіншегі: "Үйіміздің қасындағы дүкенге де сұранып, ескертіп жүру керек"

 Төреғалидың келіншегі: "Үйіміздің қасындағы  дүкенге де сұранып, ескертіп жүру керек"

Танымал әнші Төреғали Төреәлінің келіншегі отбасындағы келіннің атқаратын қызметі жайлы және бірқатар құпиялармен бөлісті.

Бұл туралы Caravan.kz медиа порталы хабарлайды. 

Әрбір сөзін байыптап, саралап жазатын әншінің келіншегі Толқын бүгінде өз инстаграм парақшасында көптеген тұщымды посттар жазып, көпшіліктің ықыласына бөленіп жүр. Өзінің басынан өткен оқиғалар мен отбасы заңдылықтарын жазуды әдетке айналдырған. 

"Ұлтқа қызмет ету мінезден". А.Бөкейханов.

Сәлем бердім баршаңызға! Құрметті оқырман!

Отан - отбасынан басталады!

Кішкентай отанымыздың түтінін түзу түтетіп, қызметімізді адал атқару біздің, яғни келіндердің, аналарымыздың жауапкершілігінде сияқты!

Иә, ағаштың екі ұшы болады әрине, бірақ көрпені әркім өз жағына тарта бермей, өзінің міндетіне бекем болса, шіркін әрбір отбасы шынайы бақыттың дәмін сезер еді....

Сол ұлтымызға деген қызметіміз, отбасымыздағы қызметтен бастау алмай ма!? Жаңадан келін боп түскен кезімде, көптеген қызықтарды өткердім.

Бәріміз де бәрін біліп келген жоқпыз, әрине.

Әрі жаңа ортада бірі ұнаса, бірі унамайтын, бірі қабылдаса, бірі қабылдамайтын тустары да бар.

Біздің отбасындағы заң қаталдау боп көрінді... Тіпті күйеуіме дейін әрбір қадамы, Атамның қадағалауымен болатын... Ол кезде үйіміздің қасындағы бір метр жердегі дүкенге де сұранып, ескертіп жүру керек болды, әрі өзім барып келе алмайтынмын, қасыма бір адам еріп жүру керек болатын. Ол жарымның бұйрығы!!

Басында маған қатты таңсық көрінетін... Иә, қарсы тұрып, ода тұрған не бар екен деп, болмашы нәрсеге ұрыс шығарып көргенмін...Сол үшін оңбай сөз еститінмін. Ол жарымның бұйрығы !!

Бір-рет жарыма солай айтқанымда, ол кісінің сөзі жадымда мәңгілік жатталып қалыпты, "Күйеуінің рұқсатынсыз үйінен шыққан әйелге, үйіне кіргенге дейін періштелер лағынет айтады", деді..- ауыр әрине.

Жарайды, дегеніммен, іштей қарсылық тұратын... Әрі діни сауаттың да аздығынан ол сөздердің астарын түсіне де бермеген сияқтымын! Уақыт өте бәріне мінезімнің ең мықты жері, сол іштегі қарсылықтарға өзім төтеп берем деп шештім... Табандылық танытып, содан бері, сол бағыттан таймауға тырысамын!

Әрі қызметіме де орасан зор пайдасын әкеліп жатқанын көзіммен көріп келемін!Ойланып қарасақ, қазақтың дәстүрінің өзі келіндеріміздің иіліп сәлем салған сайын, психологиялық өзгеріске ұшыратып бейсаналы түрде иілуін талап еткізетіндей е Сол физикалық іс-қимылды санамызға сіңіріп, иіле берсек нұр үстіне нұр болар еді"-, деп жазды Толқын.

Пікір қалдырыңыз

Пікір қалдыру тіркелген пайдаланушылар ғана мүмкін