Ақ «Лексусты» тізгіндеген белгілі продюсер басты жолға баса-көктеп кіріп кеткен болатын. Салдарынан қос бірдей жеңіл көлік соқтығысып, жүргізушінің бірі мойнынан жарақат алған. Жұлдызды әншінің анасы жасаған жол апаты төңірегіндегі дауды да көтерген осы жүргізуші. Мойны үзіле жаздаған Евгений Маринков «әйгілі отбасы ақша бермей жүр» деп бір ай бойы даурықты. Ақыры зардап шеккен жақ продюсер келіншекпен сотта кездескен. Енді Гүлзира Айдарбековаға жол ережесін бұзғаны үшін 388 мың теңге айыппұл төлеуге міндеттелді.
Гүлзира Айдарбекова, Қ.Нұртастың анасы:
-Атақты адам болған соң «есірген ғой» деп жұрт қарғауы да мүмкін. Сосын осы жамандықтың бәрі осымен кетсінші, «құрысыншы» деп, ақшасын берейін деп, толығымен келістім.