Жол полициясы ережені бұзбайтын жүргізушілерді ынталандыруды ұсынды

«Жол полициясы комитеті жол ережесін бұзбайтын жүргізушілерді ынталандыру қажет деп есептейді», - деп хабарлайды комитеттің баспасөз қызметі. «Шетелддердің тәжірибесі бойынша мұндай жүргізушілерді сақтандыру тетіктері арқылы ынталандыруға болады. Мысалы, жүргізушілердің азаматтық-құқықтық жауапкершілігін міндетті сақтандыру жүйесі бойынша сақтандыру полисінің құнын төмендетуге болар еді», - дейді комитет төрағасы Берік Бисенқұлов, делінген хабарламада. Ал, жол тәртібін үнемі бұзатындардың сақтандыру полисі керісінше, қымбат болуы тиіс, дейді ол. Нәтижесінде жол ережесін бұзу жүргізушілер үшін экономикалық жағынан тиімсіз болмақ.