Шетелдік БАҚ Ресей ресми түрде қытай юанін өзінің негізгі валютасына айналдырғанын мәлімдеді, деп хабарлайды Caravan.kz медиа порталы.
«Соңғы екі жылда АҚШ доллары мен еуроның Ресей нарығындағы рөлі біртіндеп төмендеді. Бұл сауда ағынының Шығысқа қайта бағытталуының және есеп айырысу валютасының рубльге, юаньға және достас елдердің басқа валюталарына өзгеруінің нәтижесі.
Мәскеу биржасында мамырдағы саудадағы юаньның үлесі 54%-ды құрады. Осылайша, юань биржалық саудадағы негізгі валютаға айналып үлгерді.
Юань/рубль бағамы басқа валюта жұптары үшін траекторияны белгілейді және нарық қатысушылары үшін бағдар болады», — делінген Ресей Орталық банкінің мәлімдемесінде.
Ресми рубль бағамы біркелкі және нарықтық болып қалатыны, тек оны есептеуге арналған деректер ауқымы өзгеретіні түсіндірілді.
Орталық банк доллар мен еуроның биржадан тыс нарықта саудасы жалғасатынын растады.