Дариға Шәкімова «Тайпей кубогында» жеңіске жетті

Қытайлық Тайпей елінде әйелдер боксынан «Тайпей кубогы» жолындағы бәсеке аяқталды. «Аламан» спорт агенттігінің мәліметінше, бұл сынға қатысқан Қазақстан құрамасы бір алтын медальді жеңіп алды.

Ауыр салмақта Дариға Шәкімова финалға дейін жетіп, шешуші айқаста шаршы алаң иесі Май Чи Сяньды жеңді — 11:5.

Тағы бір қазақстандық Назым Қызайбай ширек финалда жапондық Мадока Уададан ұтылып қалды.