Сөйтіп, қазылардың шешімі бойынша бұған дейін жеңіліп көрмеген жерлесіміз 21-інші рет өзінің мықты екенін дәлелдеді. Бұл туралы «Астана Спорт» спорттық басылымы Fightnews.com. сайтына сілтеме жасап хабарлады.
Жекпе-жек АҚШ-тың Оклахома штатында «Remington Park Racing Casino»-да өткен болатын.
Демьяненко Валенсуэладан салмағы біршама жеңілдеу болатын. Дегенмен, жерлесіміз бірінші раундта-ақ жекпе-жекті өз ыңғайына айналдырып, ауыр комбинациялар арқылы қарсыласын соққыдан көз аштырмады. Бокс берілген 6 раунд бойы өткенімен, әккі былғары қолғап шебері саналатын Валенсуэла қазақстандық спортшыға қарсы ештеңе өндіре алмады, керісінше ол Виталийдің шабуылынан қорғанумен ғана жүрді. Осыған орай қазылардың бәрі бірауыздан 60 — 54 есебімен жеңісті жерлесімізге берген болатын.
«Мен өзімді тежеусіз сезінемін, және алға жүруге дайынмын» — дейді Виталий өзінің промоутерлерінің «Boxing360» сайтында. Сайттың хабарлауынша, қазақстандық боксшы рингке жақын аралықта тағы көтерілетін болады.
