Онда қазақстандық спортшылар -Александр Шервинков, Ян Савицкий, Сергей Наумик пен Александр Трионов 26 команданың арасынан 19-шы орын алды.
Бұған дейін Германияның Оберхов қаласында өткен Әлем кубогының 4-ші кезеңінде А. Шервинков, Я. Савицкий, С. Наумик пен Д. Кенешов 24 команданың арасынан 17-ші орынға табан тіреген болатын.
Жігіттерге қарағанда бұл додада әйелдер құрамасы біршама сәтті өнер көрсетуде. Олар 4-ші кезеңдегі нәтижесін сақтап қалды. Атап айтқанда Елена Хрусталева, Дария Усанова, Алина Райкова мен Марина Лебедева командалық есепте 22 команданың арасында 12-ші орын иеленді. Ал Оберховта олар 18 команданың арасынан 12-ші сатыға тұрақтаған болатын.