Бұл ойын 1:0 есебімен сербиялық Любомир Петрович жаттықтыратын тараздықтардың жеңісімен аяқталды. Олардың бұл жолғы қарсыласы Ливия чемпионатының — 15, Суперкубоктың — 8, ал ел кубогының 6 дүркін чемпионы атанған ең әйгілі командасы болды.
Тараздықтар келесі спаринг-матчын енді 19 қаңтарда Хорватияның Бірінші лигасында ойнайтын Осиек қаласының «Осиек» командасымен өткізбек. Өткен маусымда ел чемпионатында 8-ші орын алған осиектіктерді Станко Мршич жаттықтырады. Олар Хорватия чемпионатында 1992, 1995, 1998, 2000, 2001, 2008 жылдары қола жүлдегері, 1999 жылы Кубок жеңімпазы, ал былтыр күміс жүлдегер атанған болатын.
