Ойынның бірінші кезеңінде Вадим Краснослободцев есепті ашып, «Барысты» алға шығарса, екінші кезеңде шабуылшы Брэндон Боченски қарсыластың қақпашысын қапы қалдырды. Есеп 2:0. Үшінші кезеңде Константин Руденко есепті еселеді. Ал ойынның соңғы минуттарында Талғат Жайлауов көзге түсіп, есепті 4:0-ге дейін жеткізді. «Динамо» болса, екі шайбаны қайтара білді. Алайда одан аса алмады. Қорытынды есеп — 4:2.
Осы ойынан кейін «Барыс» тағы үш ұпайға ие болып, жалпытурнирлік кестеде 9-шы орынға көтерілді. Бізде 82 ұпай бар. «Динамо» болса, өз орнын сақтап қалды. Оның еншісінде — 98 ұпай.
Айта кетейік, ақпанның 17-сі күні «Барыс» Құрлықтық хоккей лигасының көшбасшысы «СКА» (Санкт-Петербург) командасымен кездеседі. Ойын Астанадағы «Қазақстан» спорт кешенінде өтеді.
