«Динамо» Жолшиев үшін қомақты қаржы беруге дайын. Мәскеулік команда қазақ футболшысы үшін басында 1,2 миллион доллар ұсынған. Бірақ «Тобыл» командасынан жауап болмаған соң соманы 1,5 миллион долларға көтерген. «Тобыл» командасының басшылығы футболшыны сатуға дайын. Бірақ Қостанай облысы әкімдігі Жолшиевті жібергісі келмей отыр. Ал «Динамо» ойыншыны сатып алуға кететін қаржыны тағы да көтеруге дайын екендіктерін білдірді. Егер әкімдік келіссе, онда Жолшиев «Динамо» жейдесін киюі мүмкін, деп хабарлайды «Аламан».
