Қазір турнир кестесінде 20 ойыннан кейін Өскеменнің «Шығыс-ҚорғасынҚұрылыс» командасы 50 ұпаймен көш бастап келе жатыр. Оны 47 ұпаймен «Қостанай» волейболшылары өкшелеп келе жатыр. Үшінші орынға астаналықтардың «Грация-Астана Kz» командасы табан тіреп тұр. Ал павлодарлықтарда (Ертіс-Қазхром-2») — 22, теміртаулықтарда («Спартак АМТ») — 20, қарағандылықтарда («Қарағанды-2») — 6 ұпай ғана бар.
Ақтық турдағы алғашқы ойынды қостанайлықтар қарағандылықтармен, өскемендіктер теміртаулықтармен, павлодарлықтар астаналықтармен өткізуде.
