Облыстық туризм, дене шынықтыру және спорт басқармасынан түскен мәліметке қарағанда, 12 облыс өкілдері қатысқан жарыста батысқазақстандықтар жалпыкомандалық есепте бірінші орынды жеңіп алды. Қостанайлықтар — екінші, алматылықтар үшінші орынды еншіледі.
Жекелей біріншілікте жас ерекшеліктеріне қарай Бердіғали Төлегенов (74 кг), Қуаныш Әбуов (90 кг), Мұхамбетжан Төреғалиев (82 кг), Рамазан Нұрмашев (74 кг), Мұхамбет Жұмқазиев (62 кг), Қазболат Құрмашев (68 кг), Сатыбалды Бекбаев (74 кг), Сергей Волобуев (74 кг), Рашид Наурызалиев (82 кг) жеңімпаз атанды. Күміс, қола жүлдегер атанғандар да баршылық. Сөйтіп бұл жолы да батысқазақстандықтар самбодан үздік екендіктерін дәлелдеді.
