Онда ел намысын қорғап жатқан Геннадий Паршин жаттықтыратын Алматы қаласының «Алматы» командасы жеңіліссіз келеді. «Д» тобында өнер көрсеткен олар омандықтарды («Saham») — 3:1, Жапония («Toyoda Gosei Trefuer») мен Мальдивтің волейболшыларын 3:0 есебімен жеңген болатын. Одан кейін плей-офф кезеңінде «В» тобында 1-2 орын алған Катардың «Al-Rayyan» мен Ирактың «South Gas Club» командаларымен «F» тобында жұп құраған еді. Кеше алғашқы сында ирактықтарды 3:2 есебімен ұтты. Бүгін енді жапондықтардан 3:1 есебімен басым түскен катарлықтармен кездеседі. Көш бастап келе жатқан «алматылықтар» өз орнын сақтап қалатын болса ширек финалда «Е» тобында төртінші орын алған командамен кездесетін болады.
